الموضوع: سؤال لاهل الخبرة

السلام عليكم

انا برسم على الزجاج و الحرير بس كنت بشترى الرليف بس حاليا قررت اعمله بس عملت التركيبة الموجودة هنا بواسطة الاستاذ حسن هى بس بعد اضافة اكسيد الزنك اصبح لونها مايل للابيض و انا محتاجها تكون شفاففة لتظهر لمعة الجليتر و بعدين هى بتتاثر بالسخونة لانى برسم على الااكواب و الكؤوس لما بضع ماء ساخن بتطلع
فهل فى نوع غراء او لاصق قوى لا يتاثر بالحرارة وهل ممكن الاستغناء عن الزنك و ماهى فائدته فى التركيبة؟
ثانيا هل فى لازق قوى للزق الخرز على القماش و الحرير لانى جربت انواع كتيرة جدا و فشلت كله بيطلع لو حد يعرف نوع قوى يدلنى عليه فى مصر او خارج مصر انا شفت محل فى رمسيس هيلتون لازق خرز على الحرير و الاورجانزا و الزجاج بس قوى جدا جدا و فعلا عامل اشكال فى منتهى الروعة و مايطلع بالحرارة او اى شىء
ثالثا فى تركيبة قوية لرليف الحرير؟
انا عارفة انى اسئلتى كتيرة بس انا عرفة انكو مش هتبخلوا عليا ان شاء الله

فولانه
السلام عليكم ورحمة الله وبركاته
بالنسبة لأولا :
ممكن استخدام الغراء ( اوكى ) مع قليل من ورنيش الاخشاب
ويمكن أيضا لظهور لمعة البوردير غراء اوكى مع البوردير فقط
جربى وان شاء الله ما تطلع ولو بالطبل البلدى
ثانيا ... ..... ..... .........
فى لزق سيليكون زجاج ومنه عبوات صغيرة الحجم ومتوافر أيضا
بدون استخدام المسدس الخاص به .
ثالثا :ــ ــــ ـــــ ـــــــــــــــ
ريليف الحرير يمكن عمله من الغراء الاوكى وأى لون تختاريه
يتم خلطهم والغراء الاوكى عندما يجف يصبح شفافا

السلام عليكم اولا
ثانيا اخيرا حضرتك رديت عليا انا كنت مستنية رد حضرتك من زمان
انا فعلا جربته مع الورنيش بس هو بيطلع بالحرارة لان الكاسات او الكبايات الى بشتغلها بيوضع فيها شاى او اى حاجة سخنة عشان كدة بقول فى حاحة بديلة و فى اضافة عليه؟ و هو فعلا نتيجته حلوة مع الرسم على الحرير بس ازاى الصق خرز على الحرير مش راضية تيجى معايا ابداو جربت انواع لصق كتيرةو مش نتيجتها حلوة

ميرسى لردحضرتك

فولانه
نأسف للتأخير
لكن لى عذرى
فى حفظ الله